وزیر اعظم کا خواتین کو چھوٹے اور درمیان درجے کے کاروباری شعبے میں شامل کرنے کا اعلان

وزیراعظم محمد شہبازشریف نے گھریلو صنعتوں اور چھوٹے کاروبار سے وابستہ خواتین کو چھوٹے اور درمیان درجے کے کاروباری شعبے میں شامل کرنے کا اعلان کیا ہے۔

انہوں نے یہ اعلان اسلام آباد میں چھوٹے اوردرمیانے درجے کی صنعتوں کے ترقیاتی ادارے کے تحت جاری اصلاحات کے جائزہ اجلاس کے دوران کیا۔

وزیراعظم نے متعلقہ حکام کو نوجوانوں کو قرض کی فراہمی کی سکیم کے تحت خواتین کو چھوٹے قرضے فراہم کرنے کی ہدایت کی۔وزیراعظم نے ایک خصوصی کمیٹی تشکیل دینے کا بھی اعلان کیا جسے خواتین کو بااختیار بنانے کیلئے کاروباری مواقع کی فراہمی کے ذریعے ایک جامع منصوبہ وضع کرنے کی ذمہ داری سونپی گئی ہے۔

اجلاس کے دوران وزیراعظم کو چھوٹے اور درمیانے درجے کے کاروباری اداروں کی ترقی کیلئے سمیڈا کے اقدامات کے بارے میں بتایا گیا۔