اسٹاک ایکسچینج میں شدید مندی ، سرمایہ کاروں کے اربوں ڈوب گئے 

کراچی: کاروباری ہفتے کے دوسرے روزپاکستان اسٹاک مارکیٹ میں شدید مندی کا رحجان دیکھا گیا ، جس سے سرمایہ کاروں کے اربوں روپے ڈوب گئے۔
تفصیلات کے مطابق انڈیکس نے ایک لاکھ ، 14 ہزار پوائنٹس کی حد کھو دی، کاروباری ہفتے کے دوسرے روز اسٹاک ایکسچینج میں کاروبار کا منفی آغاز ہوا تاہم تھوڑی دیر مثبت میں تبدیل ہو گیا ، اس کے بعد ایک بار پھر انڈیکس میں گراوٹ دیکھی گئی۔ 
اسٹاک مارکیٹ کے 100 انڈیکس میں 724 پوائنٹس کی کمی ریکارڈ کی گئی جس کے بعد انڈیکس ایک لاکھ 13 ہزار 632 پوائنٹس پر آ گیا۔ کاروبار میں مندی کے باعث سرمایہ کاروں کو اربوں روپے کا نقصان ہوا۔
خیال رہے گزشتہ روز کاروبار کے اختتام پر انڈیکس ایک لاکھ ، 14 ہزار 356 پوائنٹس پر بند ہوا تھا۔