اسد رسول پی آئی ہولڈنگ کمیٹی کے سی ای او مقرر

کراچی: وفاقی حکومت کی جانب سے اسد رسول کو پی آئی اے ہولڈنگ کمپنی لمیٹڈ (پی آئی اے ایچ سی ایل) کا چیف ایگزیکٹو آفیسر (سی ای او) مقرر کیا ہے، 
اس حوالے سے وفاقی حکومت کی جانب سے نوٹیفکیشن جاری کر دیا گیا ہے جوکہ 10 اپریل 2025 سے لاگو ہوگا۔
جاری کر دہ  نوٹیفکیشن میں کہا گیا کہ "ہم آپ کو بتانا چاہتے ہیں کہ اسد رسول کو 10 اپریل 2025 سے PIAHCL کے چیف ایگزیکٹو آفیسر کے طور پر اے وی ایم محمد عامر حیات کی جگہ پر تعینات کیا گیا ہے"۔
خیال رہے کہ پی آئی اے ہولڈنگ کمپنی لمیٹڈ ایک پبلک لمیٹڈ کمپنی ہے جو اس وقت حکومت پاکستان کی ملکیت میںہے۔
ہولڈنگ کمپنی پاکستان انٹرنیشنل ایئر لائنز کارپوریشن لمیٹڈ (PIACL) کے مخصوص اثاثوں، واجبات اور ذیلی اداروں میں کامیابی کے لیے قائم کی گئی تھی، بشمول PIACL کے مخصوص کاروبار، جائیداد، حقوق، واجبات اور ذمہ داریاںوغیرہ شامل ہیں۔