اسلام آباد، کے پی ،اور پنجاب کے مختلف اضلاع میں زلزلےکے جھٹکے

اسلام آباد سمیت مختلف علاقوں میں زلزلے کے شدید جھٹکے محسوس کیے گئے، جس کے بعد لوگوں میں خودف وہراس پھیل گیا۔
وفاقی دارالحکومت اسلام آباد ،راولپنڈی اور گرد و نواح  میں شدید ز لزلے کے جھٹکے ، لوگ کلمہ طیبہ کا ورد کرتے ہوئے گھروں سے باہر نکل آئے۔
زلزلہ مرکز کے مطابق زلزلے کی شدت 5.5 اور مرکز راولپنڈی سے 60 کلو میٹر دور تھا،جبکہ اس کی گہرائی 12 کلو میٹر ریکارڈ ہوئی ہے۔
رپورٹ کے مطابق میانوالی، پشاور، خوشاب ، ہری پور شہر اور گردونواح میں زلزلہ کے شدید جھٹکے محسوس کیے گئے، ایبٹ آباد ، اور گرد ونواح ، مردان ،  اور گرد ونواح میں زلزلے کے  جھٹکے محسوس کیے گئے۔
علاوہ ازیں اسلام آباد، راولپنڈی، مہمند، نوشہرہ، صوابی اور شبقدر میں بھی زلزلے کے جھٹکے محسوس کیے گئے۔
اسی طرح پنجاب کے مختلف علاقوں جن میں فتح جنگ شہر اور گردونواح ، ٹیکسلا اور گردونواح ، راولاکوٹ ، اٹک، پنڈدادن خان اور گرد و نواح، وادی نیلم ، منڈی بہاوالدین ، ہری پور ، خانپور اور گرد و نواح میں زلزلے کےجھٹکے محسوس کیے گئے۔
ریسکیو حکام کے مطابق زلزلے کے جھٹکوںسے ابھی کسی بھی قسم کے جانی یا مالی نقصان کی اطلاعات نہیں ملیں۔