ایک روز کے اضافے کے بعد سونے کی قیمت میں کمی،فی تولہ کتنے کا ہو گیا؟

کراچی:عالمی و مقامی مارکیٹوں میں تاریخی سطح پر پہنچنے کے بعد جمعہ کو سونے کی قیمتوں میں معمولی کمی ریکارڈ کی گئی۔ 
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں فی تولہ سونا 300 روپے کی کمی کے بعد 3 لاکھ 49 ہزار 700 روپے کا ہوگیا۔
 اسی طرح دس گرام سونے کی قیمت 257 روپے کی کمی سے دو لاکھ 99 ہزار 811 روپے ہوگئی۔
دوسری جانب عالمی بلین مارکیٹ میں سونا 3 ڈالر کی کمی سے 3326 ڈالر فی اونس کا ہوگیا۔
 خیال رہے کہ گزشتہ روز فی تولہ سونا 2 ہزار روپے کے بڑے اضافے سے تاریخ میں پہلی بار 3 لاکھ 50 ہزار روپے پر جاپہنچا تھا۔