متحدہ عرب امارات کے نائب وزیراعظم کل سے پاکستان کا دو روزہ دورہ کرینگے

متحدہ عرب امارات کے نائب وزیراعظم اور وزیر خارجہ شیخ عبداللہ بن زاید النہیان کل (اتوار) سے پاکستان کا دو روزہ سرکاری دورہ کرینگے۔

دفتر خارجہ کے مطابق اعلیٰ سطح کا یہ دورہ پاکستان اور متحدہ عرب امارات کے درمیان مضبوط برادرانہ تعلقات کی عکاسی کرتا ہے۔

ادھر جمہوریہ روانڈا کے خارجہ امور اور بین الاقوامی تعاون کے وزیر Olivierجے ندورے بھی پیر سے پاکستان کا دورہ کر رہے ہیں۔وہ یہ دورہ نائب وزیراعظم اور وزیر خارجہ محمد اسحاق ڈار کی دعوت پر کر رہے ہیں۔