فتنہ الہندوستان کے دہشتگردوں کا ہر جگہ پیچھا کریں گے اور چن چن کر ماریں گے،محسن نقوی

اسلام آباد: وفاقی وزیر داخلہ محسن نقوی نے کہا ہے کہ فتنہ الہندوستان کے دہشتگردوں کا ہر جگہ پیچھا کریں گے اور چن چن کر ماریں گے۔
وفاقی وزیر داخلہ محسن نقوی نے خضدار میں اسکول بس پر حملے میں شہید ہونے والی 2 مزید طالبات شیما ابراہیم اور مسکان کو خراج عقیدت پیش کیا۔ انہوں نے دونوں شہید طالبات کے لواحقین سے دلی ہمدردی و اظہار تعزیت کیا۔
محسن نقوی نے کہا کہ پوری قوم شہید بچوں کے خاندانوں کے ساتھ ہے۔ اور شہید بچوں کے خاندان ہمارے سر کا تاج ہیں۔ انہیں تنہا نہیں چھوڑیں گے۔
انہوں نےمزید کہا کہ معصوم بچوں کا خون قوم پر قرض ہے۔ اور فتنہ الہندوستان کا مکمل خاتمہ کر کے یہ قرض اتاریں گے۔ فتنہ الہندوستان کے آلہ کاروں کو پاکستان میں چھپنے کی جگہ نہیں ملے گی۔
وزیر داخلہ نے کہا کہ فتنہ الہندوستان کے دہشتگردوں کا ہر جگہ پیچھا کریں گے اور چن چن کر ماریں گے۔