سعودی عرب اور یو اے ای میں عیدالاضحیٰ کب ہو گی؟ممکنہ تاریخ سامنے آ گئی

ریاض:سعودی عرب اور متحدہ عرب امارات ( یو اے ای)میں عیدالاضحی کب منائی جائے گی اس حوالے سے ممکنہ تاریخ سامنےآگئی۔
عرب میڈیا خلیج ٹائمز کی رپورٹ کے مطابق سعودی پریس ایجنسی نے بتایا کہ سعودی عرب کی سپریم کورٹ نے شہریوں کو کہا ہے کہ وہ منگل 29 ذی القعد یعنی 27 مئی کو ذی الحج کا چاند دیکھیں، اگر 27 مئی کو چاند نظر آیا تو ذی الحج کا آغاز 28 مئی کو ہوگا یعنی اس لحاظ سے عیدالاضحیٰ جمعہ 6 جون کو ہوگی۔
تاہم اگر منگل 27 مئی کو چاند نظر نہیں آیا تو یکم ذی الحج جمعرات کو ہوگی اور عیدالاضحیٰ کا پہلا دن ہفتہ 7 جون کو ہوگا۔
میڈیا رپورٹس کے مطابق سعودی سپریم کورٹ نے ہدایت کی ہے کہ اگر کسی کو براہ راست یا دوربین سے چاند نظر آئے تو قریبی عدالت سے رجوع کریں اور اپنی گواہی دیں یا قریبی مرکز سے رابطہ کریں تاکہ وہاں سے عدالت پہنچنےکے لیے مدد فراہم کی جائے گی۔
متحدہ عرب امارات میں عید الاضحیٰ
دوسری جانب متحدہ عرب امارات(یو اے ای) کے بین الاقوامی فلکیاتی مرکز (IAC) کے مطابق رواں ہفتے ذی الحج کا چاند نظر آنے کا امکان ہے۔
 بین الاقوامی فلکیاتی مرکز کے مطابق منگل 27 مئی کو ذی الحج کا چاند نظر آنے کا امکان ہے،  بدھ 28 مئی نئے ہجری مہینے کا پہلا دن ہو گا اور عید الاضحیٰ 6 جون بروز جمعہ کو ہوگی۔