مشہد:وزیر داخلہ محسن نقوی کی حضرت امام رضا ؑکے روزے پر حاضری

مشہد: وفاقی وزیر داخلہ محسن نقوی اپنے دورۂ ایران کے دوران مشہد پہنچے ،جہاں انہوںنے حضرت امام رضاؑ کے روزے پر حاضری دی۔
اس سے قبل مشہد انٹرنیشنل ایئر پورٹ پر وفاقی وزیرداخلہ محسن نقوی کا پرتپاک استقبال کیا گیا، صوبہ خراسان کے گورنر جنرل غلام حسین مظفری نے محسن نقوی کا خیر مقدم کیا۔
وزیر داخلہ محسن نقوی نے مشہد میں حضرت امام رضا علیہ السلام کے روضۂ اقدس پر حاضری دی، نوافل ادا کیے اور امت مسلمہ، پاکستان کی سلامتی، ترقی، خوشحالی اور خطے کے استحکام کے لیے خصوصی دعا کی۔
محسن نقوی نے روضۂ امام رضا علیہ السلام کے مختلف حصے دیکھے اور پاکستانی زائرین کیلئے خصوصی انتظامات پر ایرانی حکومت کا شکریہ ادا کیا۔
اس موقع پر وزیر داخلہ نے کہا کہ "ان شاء اللہ پاکستان اور ایران زائرین کی سہولتوں کے لیے مل بیٹھ کر مزید اقدامات کریں گے۔"