سالانہ بجٹ پیشں کرنے کی تاریخ میں مزید ردو بدل کا امکان

وفاقی حکومت کی جانب سےعید الاضحیٰ کی تعطیلات کے باعث سالانہ بجٹ پیشں کرنےکی تاریخ میں مزید ردوبدل کا امکان ظاہر کیا جا رہا ہے۔

ذرائع کا بتانا ہے کہ عید کی وجہ سے 7 اور 8 جون کوعام تعطیل ہوں گی،عید کےتیسرے دن 9 جون کو ورکنگ ڈے کا اعلان کرنا پڑے گا۔

ذرائع کا کہنا ہےکہ عید کےتیسرے دن 9 جون کوقومی اقتصادی کونسل اور اکنامک سروے جاری کرنےکا شیڈول ہے، ایک ہی دن این ای سی اوراکنامک سروے جاری کرنا ممکن نہیں ہو گا۔

ذرائع وزارت خزانہ کےمطابق این ای سی کے اجلاس میں چاروں صوبوں اور گلگت بلتستان کے وزرائے اعلیٰ شریک ہوں گے، قومی اقتصادی کونسل کےاجلاس میں آزاد کشمیر کے وزیر اعظم شریک ہوں گے۔ 

ذرائع کا بتانا ہےکہ قومی اقتصادی کونسل کے اجلاس اور بجٹ پیش کرنےمیں روایتی طور پر 2 دن کا وقفہ رکھا جاتا ہے، حکومت وفاقی بجٹ پیش کرنےکےتاریخ میں دو دن کی توسیع کر سکتی ہے۔

ذرائع کا کہنا ہےکہ قومی اقتصادی کونسل کے اجلاس میں ترقیاتی پروگرام کو حتمی شکل دی جاتی ہے، قومی اقتصادی کونسل کا اجلاس دن بھرجاری رہتا ہے۔