پسنی: دہشت گردوں کا سیکورٹی فورسز پر حملہ، پاک فوج کے کیپٹن اور سپاہی شہید

پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع پسنی میں دہشت گردوں کے حملے میں پاک فوج کے کیپٹن عفان  مسعود   اور سپاہی بابر زمان شہید ہوگئے۔ دہشت گردوں نے پسنی میں واقع خدابخش بازار میں فورسز کی گاڑی کو بارودی سرنگ سے نشانہ بنایا۔

آئی ایس پی آر کے مطابق حملہ کے ذمہ داروں کے گرفتاری کے لیے پورے علاقہ میں سرچ آپریشن شروع کر دیا گیاہے ۔ آئی ایس پی آر کا کہنا ہے کہ ایسے حملوں سے بلوچستان کے امن کو خراب نہیں ہونے دیں گے۔