بیرون ملک مقیم پاکستانیوں کو پاکستان میں ڈیجیٹل بینکنگ سے قربانی کی سہولت

 اسٹیٹ بینک  آف پاکستان  کے مطابق اوورسیز پاکستانی" روشن سماجی خدمت"  کے تحت    روشن ڈجیٹل اکاؤنٹ سے پاکستان میں موجود معروف تنظیموں کے توسط سے باآسانی قربانی کا فریضہ انجام دیں  سکیں گے۔

خیال رہے کہ چند ممالک میں مقیم پاکستانی قربانی سے متعلق  مقامی قوانین کی وجہ سے مشکلات کا شکار ہوتے ہیں لیکن اب یہ گھر بیٹھ کر  پاکستان سے اس فریضہ کی ادائیگی کرسکیں گے۔

مقامی میڈیا کے مطابق سٹیٹ بینک کا کہنا ہے کہ  روشن سماجی خدمت پروگرام کے تحت دنیا کے 170 سے زائد ممالک میں اب پاکستانی بینکوں میں اکاؤنٹ کھلوانے والے اوور سیز پاکستانی اپنی پسند کے پاکستانی ادارے کو قربانی کے لیے رقم بھیج سکتے ہیں۔اس کے لیے بیرون ملک مقیم پاکستانیوں کو اپنے بینک کے آن لائن روشن ڈیجیٹل بیچ پر جا کر روشن سماجی خدمت پورٹل پر جانا ہوگا۔

وہاں ان کو سماجی اداروں کی فہرست نظر آئے گی جس میں  ایدھی فاونڈیشن، آغا خان ہسپتال، اخوت فاؤنڈیشن، چھیپا، انڈس ہسپتال، سیلانی ٹرسٹ اور شوکت خانم ہسپتال شامل ہوں گے۔ان میں سے اپنا  پسندیدہ ادارہ سلیکٹ کریں اور قربانی کے لیے دی گئی رقم جمع کروائیں۔

بشکریہ اردو نیوز