پاکستان، چین اور افغانستان کا ڈائیلاگ: دہشتگردی کے خلاف تعاون، سی پیک کی توسیع پر اتفاق

پاکستان، چین اور افغانستان کے وزرائے خارجہ کے درمیان چھٹا سہ فریقی ڈائیلاگ کابل میں منعقد ہوا۔

دفتر خارجہ کے مطابق اس اہم اجلاس میں سیاسی، اقتصادی اور سیکیورٹی تعاون پر تفصیلی گفتگو کی گئی، اور تینوں ممالک نے دہشتگردی کے خلاف مشترکہ کوششیں مزید تیز کرنے کے عزم کا اظہار کیا۔

ترجمان نے بتایا کہ ڈائیلاگ کے دوران تجارت، ٹرانزٹ، علاقائی ترقی، صحت، تعلیم اور ثقافت کے شعبوں میں تعاون بڑھانے پر بھی اتفاق کیا گیا۔

دفتر خارجہ کے مطابق اجلاس میں چین-پاکستان اقتصادی راہداری (سی پیک) کو افغانستان تک توسیع دینے پر بھی اصولی اتفاق رائے پایا گیا۔