پاکستان کی بھارتی پروازوں کے لیے فضائی حدود کی بندش میں ایک ماہ کی توسیع

پاکستان نے بھارتی پروازوں کے لیے اپنی فضائی حدود کی بندش میں ایک ماہ کی مزید توسیع کر دی ہے۔ اس فیصلے کے تحت ایک نیا نوٹم (NOTAM) جاری کیا گیا ہے، جس کے مطابق بھارتی طیارے 23 ستمبر تک پاکستانی فضائی حدود استعمال نہیں کر سکیں گے۔

پاکستان ایئرپورٹس اتھارٹی کے مطابق یہ پابندی بھارت کی تمام پروازوں، بشمول سرکاری اور نجی ایئرلائنز، پر مکمل طور پر نافذ العمل رہے گی۔

واضح رہے کہ پاکستان نے 23 اپریل سے بھارتی طیاروں کے لیے اپنی فضائی حدود بند کر رکھی ہے۔ ذرائع کے مطابق اس پابندی کے باعث بھارتی ایئرلائنز کو اب تک 65 ارب روپے سے زائد کا مالی نقصان ہو چکا ہے۔