9 مئی پر معافی مانگنے سے قانونی عمل ہیں رکے گا، ڈی جی آئی ایس پی آر

ترجمان پاک فوج لیفٹیننٹ جنرل احمد شریف چودھری نے کہا ہے کہ 9 مئی کے واقعات میں ملوث افراد کو قانون کا سامنا کرنا پڑے گا، معافی مانگنے سے قانونی عمل نہیں رکے گا۔

پاک فوج کے شعبہ تعلقات عامہ کے ڈائریکٹر جنرل نے کہا ہے کہ آرمی چیف نے برسلز میں کوئی انٹرویو نہیں دیا، برسلز کے ایونٹ میں سینکڑوں لوگوں نے فیلڈ مارشل کے ساتھا تصاویر بنائیں۔

لیفٹیننٹ جنرل احمد شریف کا کہنا تھا کہ برسلز میں فیلڈ مارشل نے پی ٹی آئی کا کوئی ذکر نہیں کیا اور معافی کو بھی کوئی ذکر نہیں ہوا، یہ ایک صحافی کے ذاتی مفاد اور تشخیر حاصل کرنے کی کوشش ہے۔میڈیا کو سمجھنا چاہیے کہ یہ غیر مناسب ہے۔

صحافیوں سے غیر رسمی گفتگو کرتے ہوئے لیفٹیننٹ جنرل احمد شریف چودھری نے واضح کیا کہ نو مئی کرنے اور منصوبہ سازوں کو قانون کا سامنا کرنا پڑے گا، صحافی نے حقائق کو توڑ مروڑ کر پیش کیا۔

ڈی جی آئی ایس پی آر نے کہا کہ نو مئی جیسے انتشار پر لوگوں کو معافی مانگنی چاہئے، یہ فوج نہیں بلکہ ریاست پاکستان کے خلاف سازش تھی، معافی سے قانونی عمل رک نہیں سکتا۔