ہائی کو رٹ کا بڑا فیصلہ، 15 اگست احتجاج کیس میں گرفتار درجنوں پی ٹی آئی کارکنان کی ضمانت منظور 

اسلام آباد ہائی کورٹ نے 15 اگست احتجاج کیس میں ملوث پی ٹی آئی کے 63 کارکنوں کی ضمانت منظور کرتے ہوئے ان کو رہا کرنے کا حکم دے دیا۔  

تفصیلات کے مطابق اسلام آباد کی ڈسٹرکٹ اینڈ سیشن کورٹس نے پاکستان تحریک انصاف (پی ٹی آئی) کے 63 کارکنوں کی ضمانت بعد از گرفتاری کی درخواستیں منظور کرلیں اور ان کی رہائی کا حکم دے دیا۔

اطلاعات کے مطابق جوڈیشل مجسٹریٹ مرید عباس نے ضمانت کی درخواستوں پر محفوظ فیصلہ سنایا۔فیصلے کے مطابق پی ٹی آئی کے 40 کارکنان کی ضمانتیں تھانہ مارگلہ کے مقدمے میں منظور کی گئیں، جب کہ 23 کارکنان کی ضمانتیں تھانہ انڈسٹریل ایریا کے مقدمے میں منظور ہوئیں۔

پی ٹی آئی کارکنان کے خلاف اقدام قتل، ڈکیتی اور دیگر دفعات کے تحت مقدمات درج ہیں۔

عدالت کے فیصلے کے بعد تمام 63 کارکنان کی رہائی کے احکامات جاری کردیے گئے ہیں۔