نیاگرا آبشاردیکھنے آئے سیاحوں کی بس کو حادثہ،6 افراد جاں بحق،متعدد زخمی

نیو یارک :امریکی نیویارک میںسیاحوں سے بھری بس کوخوفناک حادثہ پیش آیا جس کے نتیجے میں 6 سیاح جاں بحق جبکہ متعدد زخمی ہو گئے۔

غیر ملکی میڈیا کے مطابق بس میں 50 سے زائد سیاح سوار تھے جو امریکا اور کینیڈا کے بارڈر پر موجود مشہور نیاگرا آبشار دیکھنے کیلئے گئے ہوئے تھے۔

میڈیا رپوٹ کے مطابق نیاگرا آبشار سے واپس نیویارک شہر آتے ہوئے ہائی وے پر بس کا توازن بگڑا اور وہ حادثے کا شکار ہوگئی۔

انتظامیہ کے مطابق ہلاک ہونے والوں میں چینی، بھارتی اور فلپائن کے سیاح شامل ہیں جب کہ دیگر سیاحوں کو معمولی زخم آئے جنہیں فوری طور پر قریبی اسپتال منتقل کر دیا گیا ہے جہاں ان کو بہتر طبی امداد دی جا رہی ہے۔

مقامی پولیس کا کہنا ہے کہ حادثے کی وجوہات کا پتہ لگایا جا رہا ہے تاکہ ذمہ داروں کا تعین کیا جا سکے،ایک عینی شاہد نے مقامی ذرائع ابلاغ کو بتایا کہ حادثے کے مقام پر بس الٹی پڑی ہوئی تھی اور اشیا سڑک پر بکھری ہوئی تھیں۔

میڈیا رپورٹس کے مطابق حادثے میں بس ڈرائیور محفوظ رہا جسے بعدازاں پولیس نے گرفتار کرلیا ۔