مسلسل کمی کے بعد سونا پھر ہزاروں روپے مہنگا،فی تولہ کتنے کا ہو گیا؟

کراچی: چند روز کی مسلسل کمی کے بعد سونا اچانک ہزاروں روپے مہنگا ہو گیا۔ 

آل پاکستان جمیز اینڈ جیولرزایسوسی ایشن کے مطابق آج  ہفتے کے روز مقامی مارکیٹوں میں سونا 4100 روپے فی تولہ مہنگا ہوا جس کے بعد سونے کی نئی قیمت 3 لاکھ 59 ہزار800 روپے ہو گئی۔

اسی طرح دس گرام سونے کی قیمت میں 3,515 روپے کا اضافہ ہوا ہے جس کے بعد دس گرام سونے کی نئی قیمت  3 لاکھ 8 ہزار 470 روپے ہوگئی ہے۔
دوسری جانب عالمی بلین مارکیٹ  میں سونے کی فی اونس قیمت میں بھی 41 ڈالر کا اضافہ ریکارڈ کیا گیا جس کے بعد عالمی مارکیٹ میں سونے کی نئی قیمت 3371 ڈالر فی اونس ہوگئی ہے۔

 علاوہ ازاں ہفتے کے روز چاندی کی قیمت میں بھی 108روپے کا اضافہ ہوا جس کے بعد چاندی کی نئی قیمت 4,121 روپے ہو گئی۔

خیال رہے کہ گزشتہ روز سونے کی فی تولہ قیمت میں 1500 روپے کی کمی ریکارڈ کی گئی تھی۔