پاکستان کا بنگلا دیشی طلبہ کے لیے "پاکستان-بنگلا دیش نالج کوریڈور" کا آغاز

ترجمان دفتر خارجہ کے مطابق پاکستان نے بنگلا دیشی طلبہ کے لیے "پاکستان-بنگلا دیش نالج کوریڈور" کے تحت اگلے پانچ سالوں میں 500 اسکالرشپس دینے کا اعلان کیا ہے۔

ترجمان کا کہنا تھا کہ ان اسکالرشپس میں سے ایک چوتھائی میڈیکل کے شعبے سے تعلق رکھنے والے طلبہ کو دی جائیں گی۔ اس کے علاوہ پاکستان آئندہ پانچ برسوں میں 100 بنگلا دیشی سول سرونٹس کو تربیت بھی فراہم کرے گا۔

دفتر خارجہ کے ترجمان نے مزید بتایا کہ پاکستان نے پی ٹی اے پی پروگرام کے تحت اسکالرشپس کی تعداد 5 سے بڑھا کر 25 کر دی ہے، تاکہ دونوں ممالک کے درمیان تعلیمی اور پیشہ ورانہ روابط مزید مضبوط ہو سکیں۔