پی ٹی آئی کے رہنما کی گاڑیوں کو نامعلوم افراد نے آگ لگادی

تفصیلات کے مطابق  آگ لگنے سے راجہ ہارون ایڈووکیٹ کی دو گاڑیاں جل کر خاکستر ہو گئیں ہیں ۔

راجہ ہارون ایڈووکیٹ کا کہنا ہے کہ  مسلم کانفرنسی امیدوار راجہ یاسین کے حامیوں نے گاڑیوں کو آگ لگائی ہے،گھر کے باہر کھڑی گاڑیوں کو رات کے وقت آگ لگائی گئی۔

پی ٹی آئی رہنما نے کہا کہ  مخالفین شکست دیکھ کر بوکھلاہٹ کا شکار ہوگئے ہیں،پولیس ایف آئی آر درج کرکے فوری ملزمان کو گرفتار کرے۔

خیال رہے کہ   آزاد کشمیر   میں 45 نشستوں پر  پولنگ آج ہو رہی  ہے،32 لاکھ 20 ہزار سے زائد ووٹرز حق رائے دہی استعمال کریں گے۔ بارہ سو انتیس پولنگ  سٹیشنز  کو حساس قرار دیا گیا ہے۔ آزاد کشمیر  حکومت نے غیر متعلقہ افراد کے داخلے  پر پابندی عائد کرتے ہوئے24 سے 26 جولائی تک   دفعہ 144 نافذ کر دی  ہے۔