آزاد کشمیر: ایل اے 12 پولنگ اسٹیشن پر فائرنگ کا واقعہ،دو افراد جاں بحق

تفصیلات کے مطابق آزاد کشمیرقانون سازاسمبلی کے عام انتخابات کیلئے  پولنگ کا جاری ہے۔پولیس  کے مطابق  حلقہ ایل اے 12 چڑھوئی میں پولنگ اسٹیشن پر فائرنگ کا واقعہ پیش آیا ہے۔

 پولیس کا کہنا ہے کہ پیپلز پارٹی اور تحریک انصاف کے کارکنان کے درمیان تصادم سےدوافراد  جاں بحق ہوگئے ہیں۔جاں بحق ہونے والے کارکن کی ڈیڈ باڈی ہسپتال منتقل کر دیا گیا ۔ ایل اے 12چڑھوئی میں پولنگ کا عمل دوبارہ شروع کر دیا گیا ۔

دوسری جانب  میرپور  آزاد کشمیر میں پولنگ اسٹیشن نمبر 46  پر پولنگ کے دوران ن لیگ اور پی ٹی آئی کے کارکنوں میں جھگڑا    ہوا ہے،  ن لیگ کے امیدوار چوہدری سعید پولنگ اسٹیشن کے ووزٹ کے لیے گئے تھے۔

چوہدری سعید نے کہا ہے کہ   پی ٹی آئی کے کارکنوں نے اندر جانے پر جھگڑا کیا ، خواتین کو ووٹ کاسٹ سے روک رہے تھے، ہمارے پر حملہ کیا گیا ، پتھر مارے گئے ، پولنگ اسٹیشن پر غنڈے بیٹھے ہوئے تھے،  ن لیگ ایک کارکن زخمی ہے۔

ن لیگ کے کارکن نے پی ٹی آئی کے کارکنوں پر میز دے مارا ، جس سے  پی ٹی آئی کے دو کارکن زخمی ہوگئے ہیں ۔اس واقع کے بعد پولنگ کا عمل روک دیا گیا ہے  جبکہ پاک آرمی کی کوئیک ریسپانس فورس موقع پر پہنچ گئی۔