حالیہ سیلاب میں متاثرہ خاندانوں کی امداد کیلئے گلاسکو اسکاٹ لینڈ میں میوزیکل شو کا انعقاد

گلاسکو: پاکستان میں آنیوالے حالیہ سیلاب میں متاثرہ خاندانوں کی امداد کیلئے گلاسکو اسکاٹ لینڈ میں میوزیکل شو کا انعقاد کیا گیا۔

پروگرام کا مقصد ان خاندانوں کی مدد کرنا تھاجو اس قدرتی آفت کی وجہ سے اپنے گھر، ملازمت اور بنیادی ضروریات سے محروم ہوگئے،پروگرام سے حاصل ہونے والی رقوم  مسلم چیرٹی کے زریعے سیلاب متاثرین تک پہنچائیں گیئں۔

شو میں پاکستانی اور غیر ملکی فنکاروں نے بھی فن کا مظاہرہ کیا۔ گلوکارہ شفق علی، این ایس چوہان اور حبیب الرحمان نے خوب سر بکھیرے۔

اس موقع پر منتظمین کا کہنا تھا کہ اس شو کا مقصد پاکستان میں سیلاب زدگان کی امداد ہے ہم اپنے دکھی بھائیوں کے ساتھ ہیں پوری دنیا میں بسنے والے پاکستانی اس درد کو محسوس کرتے ہیں۔