تحصیل پنڈداد خان اور کھیوڑہ سے پی ٹی آئی کامیاب ہو گئی: فواد چوہدری

تفصیلات کے مطابق سماجی رابطے کی ویب سائٹ ٹوئٹر پر جاری پیغام میں وفاقی وزیر  اطلاعات فواد چوہدری  کا کہنا تھا کہ تحصیل پنڈداد خان اور کھیوڑہ سے پی ٹی آئی کامیاب ہو گئی ہے۔ پولنگ کی شرح سے لگتا ہے عوام نے بھرپور دلچسپی لی ہے۔انہوں نے مزید کہا  کہ کشمیر میں عمران خان کی حکومت عوام کے لیے باعث تقویت ہوگی۔

المدللہ تحصیل پنڈدادنخان اور کھیوڑہ سے PTI کامیاب ہو گئ ہے کشمیر کے انتخابات میں پولنگ کی شرح سے لگتا ہےعام آدمی نے ان انتخابات میں بھرپور دلچسپی لی ہے اور انتخابی عمل پر بھرپور اعتماد کا اظہار کیا ہے انشاللہ کشمیر میں عمران خان کی حکومت مقبوضہ کشمیر کے عوام کیلئے باعث تقویت ہوگی

— Ch Fawad Hussain (@fawadchaudhry) July 25, 2021

واضح رہے کہ آزاد جموں کشمیر کی قانون ساز اسمبلی کے انتخابات کے سلسلے میں ووٹنگ کا عمل ختم ہوگیا ہے  جبکہ گنتی کاعمل جاری ہے ۔ انتخابات میں 32 لاکھ 20 ہزار سے زائد ووٹرز نے حق رائے دہی استعمال کیا ۔  پاکستان میں بسنے والے ساڑھے 4 لاکھ سے زائد کشمیری بھی ووٹ ڈالیں گے،  بارہ سو انتیس پولنگ  سٹیشنز  کو حساس قرار دیا گیا  تھا۔آزاد کشمیر میں 33 انتخابی حلقوں میں 587 اور مہاجرین کے 12 انتخابی حلقوں میں 121 امیدوار مدمقابل  تھے ۔