آزادکشمیر میں تحریک انصاف کی حکومت ہوگی: شیخ رشید

تفصیلات کے مطابق راولپنڈی میں میڈیا سے گفتگو کرتے ہوئے شیخ رشید نے کہاکہ ہم شرافت اور احترام کی سیاست کرتے ہیں جو پیسے خرچ کئے گئے ان کا ذکر نہیں کرنا چاہتا،تمہارا کشمیر سے کیا تعلق ہے؟۔

وفاقی وزیر داخلہ  نے کہاہے کہ آزادکشمیر میں تحریک انصاف حکومت بنانے جا رہی ہے ،ایک دن سندھ میں بھی تحریک انصاف کی حکومت ہو گی۔

وفاقی وزیر داخلہ نے کہا کہ پی ٹی آئی پہلی بار آزاد کشمیر کے الیکشن میں راولپنڈی کی نشستوں سے جیت گئی ہے، جاویدبٹ نے بڑے سُرماؤں کو شکست دی، دو سیٹوں پر راولپنڈی کی حد تک جیت چکے ہیں، جس کا اعلان ہم حتمی نتائج آنے سے پہلے کررہے ہیں ۔

شیخ رشید کا مزید کہنا تھا کہ عمران خان اسی لئے الیکٹرانک ووٹنگ مشین کاکہتا ہے تاکہ کسی کو الیکشن پر شک نہ ہو،تمام کشمیریوں سے کہتا ہوں عمران خان کشمیر کی آزادی کا کیس لڑے گا۔