لاہورکورونا ویکسینیشن گھر گھر جا کر لگانے کا آغاز

تفصیلات کے مطابق ڈی سی لاہور مدثر ریاض کا کہنا ہے کہ آج سےکورونا ویکسینیشن کا باقاعدہ طور پر آغاز کر دیا گیا ہے، ٹیمیں پولیو مہم کی طرز پر گھر گھر جا کر کورونا ویکسینیشن لگائیں گی،روزانہ کی بنیاد پر تقریباً 65 ہزار شہریوں کو ویکسینیشن کرنا ٹارگٹ ہو گا،18 سال سے زائد عمر کے افراد کو ویکسینیشن لگانا ہدف ہے ۔

40 فیصد ویکسینیشن ہدف کو حاصل کیا جائے گا،شہری کورونا ویکسینیشن ٹیموں سے بھرپور تعاون کریں،کورونا ویکسینیشن لازمی لگوائیں ،کورونا ویکسینیشن لگوانے سے ہی کورونا سے بچاؤ ممکن ہے ۔

یاد رہے کہ گزشتہ دنوں وزیرصحت کی زیر صدارت ہونے اجلاس میں فیصلہ کیا گیا تھا کہ پنجاب کے پانچ بڑے شہروں میں گھر گھر جاکر ٹیمیں لوگوں کو ویکسینیشن کریں گی ۔