ن لیگ کے رہنما عطاء تارڑ کی ضمانت منظور

تفصیلات کے مطابق گزشتہ روز گوجرانوالہ میں عطاء تارڑ اور دیگر کارکنوں کے خلاف روڈ بلاک کرنے دھمکیاں دینے اور دفعہ 144 کی خلاف ورزی کی دفعات کے تحت مقدمہ درج کیا گیا تھا ۔ علی پور چھٹہ پولیس نے عطاء تارڑ کو تھانے کے باہر دھرنا دیتے ہوئے گرفتار کیا تھا ۔

آج لیگی رہنما اور دیگر گرفتار کارکنوں کو علاقہ مجسٹریٹ شیخ محمد آصف کی عدالت میں پیش کیا گیا تھا، عدالت پیشی کے موقع پر لیگی کارکنوں کی بڑی تعداد بھی موجود تھی ، ضمانتیں منظور ہونے پر کارکنوں نے عطاء تارڑ اور دیگر رہنماؤں کو پھولوں کے ہار پہنائے ہیں ۔