راولپنڈی :سنئیر صحافی کو قتل کرنے کی کوشش ناکام، تین ملزمان گرفتار

راولپنڈی: پنجاب کے ضلع راولپنڈی میں سنئیر صحافی کو قتل کرنے کی کوشش کرنے والے ملزمان پولیس نے گرفتار کر لیے۔

تفصیلات کے مطابق پولیس حکام کا کہنا ہے کہ تینوں ملزمان نے محسن شاہ، اختر سندھو، قاسم سندھو اور سکندر سندھو سے طاہر نصیر کو قتل کرنے کی سپاری لی تھی۔ ملزمان نےسینئر صحافی کو قتل کرنے کے لیے دو لاکھ روپے کی سپاری لی تھی۔

پولیس حکام کے مطابق ملزمان تین دن تک سینئر صحافی کے گھر کی ریکی کرتے رہے جبکہ ملزمان نے 99 ہزار روپے بھی اپنے اکاؤنٹ میں منگوائے تھے۔ ملزمان احمد اور آکاش نے صحافی کو قتل کرنا تھا جبکہ وشال نے ملزمان کو اسلحہ مہیا کیا تھا۔

تاہم پولیس نے کارروائی کرتے ہوئےتینوں اجرتی قاتلوں کو گاڑی اور اسلحہ سمیت سینئر صحافی کے گھر کے قریب سےگرفتار کر لیا۔

گرفتار ملزمان کو علاقہ مجسٹریٹ کی عدالت میں پیش کیا گیا، عدالت نے تینوں اجرتی قاتلوں کے جسمانی ریمانڈ کی استدعا مسترد کرتے ہوئے ملزمان کو جوڈیشل ریمانڈ پر جیل بھیج دیا۔