آخری ون ڈے: سری لنکا کا پاکستان کو جیت کیلئے 212 رنزکا ہدف

راولپنڈی:ـتیسرے اور آخری ون ڈے  میں سری لنکا نے پاکستان کو  جیت کے لیے 212  رنز کا ہدف دیا ہے۔

تفصیلات کے مطابق راولپنڈی میں کھیلے جارہے تیسرے اور آخری ون ڈے میچ میں پاکستان نے ٹاس جیت کر مہمان ٹیم کو بیٹنگ کی دعوت دی،سری لنکن ٹیم  پہلےکھیلتے ہوئے 46 ویں اوور  میں 211 رنز بنا کر آؤٹ  ہوگئی۔

سری لنکا کی جانب سے سدیرا سمارا وکرما نے 48،کوشال مینڈس نے 34 اور کامل مشارا نے 29 رنز  بنائے،جبکہ پوون رتنائیکے نے 32 رنز کی اننگز کھیلی۔

پاکستان کی جانب سے محمد وسیم جونیئر نے3، حارث رؤف اور فیصل اکرم  نے 2،2 کھلاڑیوں کو آؤٹ کیا۔

راولپنڈی میں کھیلے جارہے میچ میں چار تبدیلیاں کی گئی ہیں، فیصل اکرم، شاہین آفریدی، فہیم اشرف اور حسیب اللہ پلیئنگ الیون میں شامل ہیں۔
سری لنکن ٹیم کے کپتان چریتھ اسالنکا بیمار ہیں، ان کی جگہ کوشال مینڈس قیادت کررہے ہیں۔ میچ کے لیے سری لنکن ٹیم میں بھی چار تبدیلیاں کی گئی ہیں۔

اس کے علاوہ حسیب اللہ تیسرے ایک روزہ میچ میں بطور وکٹ کیپر شامل کیے گئے ہیں۔

واضح رہے کہ پاکستان کو سیریز میں 0-2 کی فیصلہ کن برتری حاصل ہے، گرین شرٹس نے پہلے ون ڈے میچ میں 6 رنز اور دوسرے میچ میں 8 وکٹوں سے کامیابی حاصل کر کے سیریز اپنے نام کی۔