عالمی و مقامی مارکیٹوں میں سونا ہزاروں روپے سستا، فی تولہ کتنے کا ہو گیا؟

کراچی:عالمی اور مقامی مارکیٹوں میں سونے کی قیمتوں میں آج بڑی کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز مقامی مارکیٹوں میں فی تولہ سونے کی قیمت میں 7ہزار روپے کی کمی ریکارڈ کی گئی جس کے بعد سونے کی نئی قیمت 4لاکھ 23ہزار 662روپے کی سطح پر آگئی ہے۔ 

ایسوسی ایشن کے مطابق اسی طرح دس گرام سونے کی قیمت میں بھی 6ہزار 002روپے کی کمی ہوئی ہے جس کے بعد دس گرام سونے کی قیمت کم ہو کر 3لاکھ 63ہزار 221روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت 70ڈالر کی کمی سے 4ہزار 013ڈالر کی سطح پر آگئی۔