قیامِ پاکستان سےآج تک ایچیسن کالج اور پاک فوج کا ایک مضبوط تعلق قائم ہے, ڈی جی آئی ایس پی آر

ڈی جی آئی ایس پی آر کی ایچیسن کالج لاہور کے طلبہ اور فیکلٹی ممبران کے ساتھ خصوصی نشست

لیفٹینینٹ جنرل احمد شریف چوہدری نے قومی سلامتی، دہشت گردی کے موجودہ چیلنجز سمیت فتنہ الخوارج اور فتنہ الہندوستان کے نیٹ ورکس اور پاکستان کے خلاف جاری ہائبرڈ وارفیئر پر تفصیلی گفتگو کی۔

اس موقع پر پرنسپل ایچیسن کالج نے کہا کہ قیامِ پاکستان سے لے کر آج کے دن تک ایچیسن کالج اور پاک فوج کا ایک مضبوط تعلق قائم ہے جس پر ہمیں فخر ہے۔

اس سیشن کے دوران طلبہ اور اساتذہ نے بے جھجھک سوالات کیے جنکا DG ISPR نے حقائق کو مدِ نظر رکھتے ہوئے انتہائی تحمل اور مدبرانہ انداز میں جوابات دیے۔

ایچیسن کالج لاہور کے فیکلٹی ممبران نے اس سیشن کو انتہائی اہم قرار دیا اور اسرار کیا کہ آئیندہ بھی اسطرح کے سیشنز کا انعقاد جاری رہنا چاہئیے۔

سوشل میڈیا کے اس دور میں سچ اور جھوٹ کی پہچان کرنا انتہائی مشکل ہوچکا لہٰذا ایسے سیشنز سے براہِ راست حقائق کو جاننے کا موقع ملتا ہے۔

طلبہ اور فیکلٹی ممبران نے اس عزم کا اعادہ کیا کہ وہ دہشت گردی کے خلاف پاک فوج کے ساتھ کھڑے ہیں اور ملک میں امن، استحکام اور سلامتی کے لیے متحد رہیں گے۔

ہمیں فخر ہے کہ ہماری افواج چوکس و چوبند ہیں اور دشمن کی ہر سازش کو ہر محاذ پر ناکام بنا رہی ہیں۔