سپر ایٹ:پاکستان اور نیوزی لینڈ کا میچ بارش کے باعث منسوخ،دونوں ٹیموں کو ایک ایک پوائنٹ مل گیا

کولمبو: آئی سی سی ٹی ٹوئنٹی ورلڈ کپ کے سپر ایٹ مرحلے میںپاکستان اور نیوزی کے مابین کھیلا جانے والا میچ بارش کے باعث منسوخ ہو گیا ہے جس کے بعد دونوں ٹیموں کو ایک ایک پوائنٹ دے دیا گیا ہے۔

تفصیلات کے مطابق پاکستان نے نیوزی لینڈ کے خلاف ٹاس جیت کر پہلے بلے بازی کرنے کا فیصلہ کیا تاہم میچ کے شروع ہونے سے قبل ہی بارش آ گئی جس کے باعث میچ شروع نہیں ہو سکاتھا۔

 ٹاس کے موقع پرقومی کرکٹ ٹیم کے کپتان سلمان علی آغا کا کہنا تھا پہلے کھیلتے ہوئے کوشش کریں گے حریف ٹیم کو  بڑا ہدف دے کر میچ کا دفاع کریں۔

 پاکستان ٹی ٹوینٹی ورلڈ کپ کے سپر ایٹ راؤنڈ میں اپنا دوسرا میچ  24 فروری کو انگلینڈ کے ساتھ کھیلے گا۔