معروف گلوکار جوجی علی خان کا نیا ویڈیو سونگ عیدالفطر پر ریلیز ہوگا

لاہور:معروف گلوکار جوجی علی خان کا نیا ویڈیو سونگ عیدالفطر پر ریلیز ہوگا۔
اس سونگ کی خاص بات یہ ہے کہ اس کی کمپوزیشن اور شاعری دونوں خود استاد  جوجی علی خان نے تخلیق کی ہیں، جس میں روایتی کلاسیکل اور صوفی موسیقی کی جھلک نمایاں طور پر سننے کو ملے گی۔

جبکہ میوزک ویڈیو کو کینیڈا کے خوبصورت اور دلکش قدرتی مناظر میں فلمایا گیا ہے۔اس ویڈیو کے ڈی او پی شرن ( کینیڈا) اور گانے کی پوسٹ پروڈکشن  اعظم صادق نے مکمل کی ہے۔

اس موقع ہر گلوکار استاد جوجی علی خان نے کہا کہ میری پوری ٹیم کو امید ہے کہ یہ گانا عیدالفطر کے موقع پر شائقینِ موسیقی کو پسند آئے اور ہماری طرف سے یہ ان کے لئے لیے عید کا تحفہ ہوگا۔

ان کا مزید کہنا تھا کہ یہ گانا موسیقی سے محبت کرنے والوں کے لیے خصوصی طور پر تخلیق کیا گیا ہے اور انہیں امید ہے کہ مداح اس کو بھرپور پذیرائی دیں گے۔