پی ایس ایل کی افتتاحی تقریب منسوخ، میچز کے وینیوز بھی تبدیل کر دیے گئے

لاہور:چئیرمین پاکستان کرکٹ بورڈ( پی سی بی) محسن نقوی نے کہا ہے کہ خطے میں جاری کشیدگی اور حکومت کی کفایت شعاری مہم کے پیشِ نظر پاکستان سپر لیگ (پی ایس ایل) کی افتتاحی تقریب کو منسوخ کر دی گئی ہےجبکہ ٹورنامنٹ کے میچز کا شیڈول بھی تبدیل کیا جا رہا ہے۔

تفصیلات کے مطابق صوبائی دارالحکومت لاہور میں پریس کانفرنس کرتے ہوئے چئیرمین پی سی بی محسن نقوی نے کہا کہ پی ایس ایل کا انعقاد ضرور ہوگا، پاکستان سپر لیگ 26 مارچ سے ہی شروع ہوگی،جبکہ ابتدائی طور پر پی ایس ایل کے میچز بغیر کراؤڈ کے ہوں گے ، دنیا کی موجودہ صورت حال برقرار رہنے تک بغیر تماشائیوں کے میچز ہوں گے۔

انہوں نے مزید کہا کہ پی ایس ایل کی افتتاح تقریب منسوخ کر دی گئی ہے، جبکہ ٹورنامنٹ کے میچز لاہور اور کراچی میں ہوں گے،انہوں نے کہا کہ لیگ سے متعلق کئی دنوں سے مشاورت جاری تھی۔

انہوں نے کہا کہ نہیں معلوم مشرق وسطیٰ میں جنگ کتنی دیر تک چلے گی، موجودہ صورتحال کے باعث شائقین کو اسٹیڈیم آنے کی اجازت نہیں دے سکتے، پی ایس ایل کے میچز صرف لاہور اور کراچی میں ہوں گے، پشاور کے شہریوں سے معذرت خواہ ہیں۔

پریس کانفرنس کرتے ہوئے انکا کہنا تھا کہ فرنچائزز کا ہونے والا نقصان پی سی بی خود پور ا کرے گا،ان کا کہنا تھا کہ خریدے گئے ٹکٹس72 گھنٹے کے اندر واپس کرائے جاسکتے ہیں،اگلے سال پشاور میں ایک سے زیادہ میچز رکھے جائیں گے۔ 

چئیرمین محسن نقوی نے مزید کہا کہ جب تک بحران ہے کراؤڈ کو اجازت نہیں دے سکتے، آج رات اور کل سے کھلاڑی پہنچنا شروع ہوجائیں گے۔