وزیراعلیٰ مریم نواز کا رمضان میں خدمت کے اہداف مکمل ہونے پر اظہارِ تشکر

لاہور: وزیراعلیٰ مریم نواز شریف نے رمضان المبارک کے دوران احساس اور خدمت کے اہداف مکمل ہونے پر اللہ تعالیٰ کا شکر ادا کیا ہے۔

تفصیلات کے مطابق سوشل میڈیا پلیٹ فارم ایکس پر جاری بیان میں وزیر اعلی مریم نواز نے کہا کہ پنجاب نگہبان رمضان پیکیج نے 2026 میں عوامی خدمت کا تاریخی ریکارڈ قائم کیا اور خوشی کے لمحات میں کسی کو تنہا ء نہ چھوڑنے کا عہد پورا کیا گیا۔ ان کا کہنا تھا کہ پہلی مرتبہ عوام کو عزت و احترام کے ساتھ براہ راست اُن کی دہلیز پر امدادی رقوم پہنچائی گئیں۔

بیان میں وزیراعلیٰ نے بتایا کہ نگہبان رمضان پیکیج کے تحت ساڑھے 4 لاکھ خاندانوں، تقریباً اڑھائی کروڑ افراد کو امداد فراہم کی گئی۔ ’’مریم کو بتائیں‘‘ پروگرام کے تحت 45 ہزار خاندانوں کو 10 ہزار روپے دیے گئے۔
جاری کر دہ ایکس پوسٹ میں انہوں نے کہا کہ صوبہ بھر میں 40 لاکھ روزہ داروں نے 422 نگہبان دسترخوانوں پر افطار کیا، جبکہ پہلی بار رمضان میں پرائس کنٹرول کے لیے صوبہ گیر مہم کے مثبت نتائج سامنے آئے اور اشیائے ضروریہ کی قیمتوں پر مثالی کنٹرول دیکھنے میں آیا۔

بیان میں مزید بتایا گیا کہ صوبہ بھر میں قائم 75 رمضان بازاروں میں روزانہ ساڑھے 5 لاکھ سے زائد شہریوں نے خریداری کی، جبکہ منیارٹی کارڈ کے ذریعے ایک لاکھ 57 ہزار سے زائد کرسچن فیملیز کو LENT کے لیے 10 ہزار روپے فراہم کیے گئے۔