جے ڈی وینس کی وفد کے ہمراہ وزیر اعظم سےملاقات،دو طرفہ تعلقات اورعلاقائی امور پر تبادلہ خیال

اسلام آباد: ایران کے ساتھ ہونے امن مذاکرات میںشرکت کیلئے پاکستان کے دورے پر آئے امریکا کے نائب صدر جے ڈی وینس نے وفد کے ہمراہ وزیر اعظم شہباز شریف سے ملاقات کی جس میں دو طرفہ تعلقات سمیت اہم علاقائی امور پر تبادلہ خیال کیا گیا۔

تفصیلات کے مطابق وزیراعظم دفتر کی جانب سے جاری اعلامیے میں کہا گیا ہے کہ جے ڈی وینس کے ساتھ ہونے والی ملاقات میں سٹیو وٹکوف اور جیرڈ کشنر بھی موجود تھے جبکہ پاکستان کی جانب سے نائب وزیراعظم اسحاق ڈار اور وزیر داخلہ محسن نقوی بھی وزیراعظم کے ساتھ تھے۔

اعلامیے کے مطابق دوران ملاقات وزیراعظم شہباز شریف کی جانب سے امریکی اور ایرانی وفود کے تعمیری مذاکرات کے عزم کا خیرمقدم کیا گیا اور امید کی گئی کہ مذاکرات خطے میں پائیدار امن کی جانب اہم پیش رفت ثابت ہوں گے۔

امریکی وفد سے ملاقات میں وزیراعظم نے کہا کہ پاکستان خطے میں دیرپا امن کیلئے اپنا کردار جاری رکھنے کیلئےدونوں فریقوں کی سہولت کاری جاری رکھنے پرپرعزم ہے۔

خیال رہے کہ پاکستان کی میزبانی اور ثالثی میں ایران و امریکا کے مابین ہونے والے امن مذاکرات میں شرکت کیلئے امریکی و ایرانی وفد پاکستان پہنچ چکے ہیں۔

ایرانی وفد جمعہ کی شام کو پارلیمانی سپیکر محمد باقر قالیباف کی قیادت میں اسلام آباد پہنچا جبکہ امریکی نائب صدر ڈے جے وینس آج دارالحکومت پہنچے ہیں۔