سونے کی قیمتوں میں اچانک ہزاروں روپے کی کمی، فی تولہ کتنے کا ہو گیا؟

کراچی: کاروباری ہفتے کے چوتھے روز عالمی ومقامی مارکیٹوں میں سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج جمعرات کے روز ملک میں سونے کی قیمت میں نمایاں کمی ریکارڈ کی گئی ہے، فی تولہ سونا 5,200 روپے سستا ہو کر 4 لاکھ 93 ہزار 762 روپے کا ہو گیا ہے۔

ایسوسی ایشن کے مطابق اسی طرح 10 گرام سونے کی قیمت میں بھی 4,458 روپے کمی ہوئی ہے جس کے بعد نئی قیمت 4 لاکھ 23 ہزار 321 روپے مقرر ہو گئی ہے۔

علاوہ ازاں ملک میں فی تولہ چاندی کی قیمت میں 225 روپے کمی ہونے سے فی تولہ چاندی 8099 روپے کی ہوگئی ہے۔

دوسری جانب عالمی بلین مارکیٹ میں سونے کے نرخ میں 52 ڈالر کی کمی ہوئی ہے جس کے بعد فی اونس نرخ 4714 ڈالر ہو گئے ہیں۔

ماہرین کے مطابق عالمی مارکیٹ میں اتار چڑھاؤ کے اثرات مقامی صرافہ بازاروں پر بھی پڑ رہے ہیں، جس کے باعث سونے کی قیمتوں میں یہ کمی دیکھنے میں آئی ہے۔