لاہور ائیر پورٹ پر طیارے سے پرندہ ٹکرا گیا ، پرواز کی ہنگامی لینڈنگ

جی  این این کے مطابق  نجی ائر لائن کی پرواز   نے لاہور سے کراچی جانے کیلئے اڑان بھری تھی جہاں پرندہ طیارے سے ٹکرا گیا۔ تاہم  پائلٹ نے کمال مہارت کا مظاہرہ کرتے ہوئے جہاز  کو بحفاظت لاہور ائیرپورٹ پر واپس  اتار لیا ۔ پرندہ ٹکرانے سے طیارے کو نقصان  پہنچا ہے جبکہ   کسی جانی نقصان کی اطلاع موصو ل نہیں ہوئی ہے ۔ ایئرلائن نے ابھی تک اس معاملے پر کوئی  بیان سامنے  نہیں آیا ہے۔ مسافروں کو بحفاظت واپس لاؤنج میں لے جایا گیا  ہے  لیکن  ابھی تک پرواز کے شیڈول کے بارے میں آگاہ نہیں کیا گیا۔