گلگت بلتستان میں سیاحوں کے داخلے پر پابندی عائد

تفصیلات کے مطابق کمشنر دیامر استور ڈویژن نے گلگت بلتستان کے موسم کی صورت حال کے پیش نظر سیاحوں پر پابندی عائد کردی ہے۔

کمشنر دیامر استور ڈویژن نے بابوسرٹاپ اور تھور چیک پوسٹ پر تعینات افسران کو سیاحوں کو روکنے کا نوٹیفکیشن جاری کردیا ہے۔ متعلقہ عملے کو ہدایت کی گئی ہے کہ بابوسر ٹاپ اور تھور چیک پوسٹ کو تمام سیاحوں کے لیے مکمل بند کیا جائے۔

مزید پڑھیں : وزیراعظم ہاؤس کو یونیورسٹی بنانے کی بجائے آمدن کا ذریعہ بنانے کا فیصلہ

نوٹیفکیشن کے مطابق این ڈی ایم اے کی موسمی ایڈوائزری کے مطابق مستقبل کے لائحہ عمل طے کئے جائیں گے۔

نوٹیفکیشن میں مزید کہا گیا ہے کہ ہدایات پر عمل نہ کرنے کی صورت میں متعلقہ افسران اور اہلکاروں کی خلاف کارروائی کی جائے گی۔