وزیراعظم ہاؤس کو یونیورسٹی بنانے کی بجائے آمدن کا ذریعہ بنانے کا فیصلہ

ذرائع کے مطابق  وزیراعظم ہاؤس کو یونیورسٹی بنانے کی بجائے آمدن کا ذریعہ بنانے کا فیصلہ کیا گیا ہے ،  وزیراعظم ہاؤس میں کمرشل سرگرمیاں شروع کی جائیں گی ۔وزیراعظم ہاؤس میں مقامی، عالمی فوڈ اور ثقافتی تقریبات منعقد کرنے کی تجویز  دی گئی ہے۔

مزید پڑھیں : چینی سائنسدانوں کا ڈیلٹا وائرس سے متعلق بڑا دعوی

ذرائع کا کہنا ہے کہ   وزیراعظم ہاؤس میں فیشن نمائش اور دیگر تقریبات ہوا کریں گی ، وینٹج  گاڑیوں کی نمائش سے بھی آمدن حاصل کرنے کی تجویز زیر غور   ہے جبکہ  عالمی اور مقامی کارپوریٹ تقریبات کیلئے بھی پی ایم ہاؤس آفر کرنے کا منصوبہ  ہے۔

ذرائع کے مطابق  اعلی سطح کی سفارتی تقریبات اور   سیمینارز بھی اب پی ایم ہاؤس میں ہوا کریں گے ، وزیراعظم ہاؤس کا آڈیٹوریم، 2  گیسٹ ونگز اور لان کرائے پر دئیے جا سکیں گے ، وزیراعظم ہاؤس کو کمرشل مقاصد کے استعمال کے حوالے سے دو کمیٹیاں بھی تشکیل دینے کی تجویز  دی گئی ہے۔کمیٹیاں وزیراعظم ہاؤس کی سکیورٹی اور ڈسپلن کو برقرار رکھنے کیلئے کام کریں گی۔