پر اسرار موت، نوجوان کی پھندا لگی لاش برآمد

کراچی: غوثیہ کالونی سینٹرل جیل کے عقب میں واقع ایک مکان سے نوجوان کی گلے میں پھندا لگی لاش ملی ہے۔  
     
تفصیلات کے مطابق نیو ٹاؤن تھانے کے علاقے غوثیہ کالونی، سینٹرل جیل کے عقب میں واقع مکان نمبر اے نائن سے ایک نوجوان کی گلے میں پھندا لگی لاش برآمد ہوئی۔

متوفی کی لاش قانونی کارروائی کے لیے جناح اسپتال منتقل کی گئی، جہاں اس کی شناخت 18 سالہ حماد ولد محمد مشتاق کے نام سے ہوئی۔

ایس ایچ او نیو ٹاؤن گل حسن کلہوڑو کے مطابق متوفی نوجوان اپنے بھائیوں کے ساتھ سبزی کا کام کرتا تھا۔

پولیس کے مطابق نوجوان نے بظاہر گلے میں پھندا لگا کر خودکشی کی، تاہم فوری طور پر اس اقدام کی وجوہات معلوم نہیں ہو سکیں۔ پولیس نے واقعے کی تفتیش شروع کر دی ہے اور مختلف پہلوؤں سے تحقیقات جاری ہیں۔