تاریخی اسٹیج ڈرامہ 'جنم جنم کی میلی چادر' نئے انداز میں پیش

عبدالسلام علی

لاہور: پہلے ڈیجیٹل تماثیل تھیٹر کا افتتاح  کر دیا  گیا،، تقریب میں شوبز ستاروں کی کہکشاں اتر آئی،، تاریخی ڈرامہ جنم جنم کی میلی چادر  کو نئے انداز میں پیش کیا گیا جس میں سٹار کاسٹ نے حصہ لیا۔

ڈرامہ کو دیکھنے والوں نے خوب سراہا تماثیل تھیٹر لاہور میں منعقدہ تقریب میں لیجنڈ اداکار  خالد عباس ڈار، اداکارہ ریشم، ارباز خان، خالد معین بٹ ، ناصر چنیوٹی، مناہل خان، نسیم وکی، اچھی خان اور دیگر شریک ہوئے۔ اداکارہ ریشم نے ساتھی اداکاروں کے ساتھ ڈیجیٹل تماثیل تھیٹر کا افتتاح کیا۔

تقریب میں شریک شوبز شخصیات نے کہا کہ ایسے تھیٹر وقت کی اہم ضرورت تھے  ، تھیٹر اب نئے دو ر میں داخل ہو چکا۔

دیگر فنکاروں نے کہا کہ تماثیل تھیٹر میں پہلا ہی ڈرامہ تاریخی پیش کیا جا رہا ہے جس کا حصہ بننا اعزاز سے کم نہیں۔ 

تماثیل تھیٹر کے افتتاح کے بعد تاریخی ڈرامہ جنم جنم کی میلی چادر کو نئے انداز میں پیش کیا جا رہا ہے  جس کی نمایاں کاسٹ میں اربار خان، مناہل خان، ناصر چنیوٹی ،اداکارہ نشو، دردانہ رحمان اور دیگر ستارے شامل ہیں۔