بین الاقوامی شہرت یافتہ ڈی جے کراچی میں سروں سے بھری شام سجانےکو تیار

کلچرل رپورٹرسے

لاہور: میوزک اور انٹرٹینمنٹ کی دنیا میں 19 ستمبر کو ایک شاندار تقریب کا انعقاد کیا جائے گا۔ میوزیکل شو میں بین الاقوامی شہرت یافتہ یورپین ڈی جے ایکس ویل اپنی شاندار پرفارمنس کا مظاہرہ کریں گے۔

معین خان اکیڈمی کراچی میں منعقد ہونے والی اس تقریب کو منفرد اور جدید انداز میں پیش کیا جائے گا۔ شو میں سینیمیٹک تھیم کے تحت طلوعِ آفتاب کا خوبصورت تصور، جدید لائٹس اور میوزک کے امتزاج سے ایک یادگار ماحول تخلیق کیا جائے گا۔شو کا آغاز معروف مقامی فنکار بلال بروہی، ہیزی اور شاٹ باکس اپنی پرفارمنس سے کریں گے، جس کے بعد بین الاقوامی شہرت یافتہ ڈی جے ایکس ویل اسٹیج سنبھالیں گے۔

عمیر پراچہ کا کہنا ہے کہ یہ میوزیکل شو پاکستانی شائقین کے لیے جدید میوزک، لائٹنگ اور انٹرٹینمنٹ کا ایک منفرد تجربہ ثابت ہوگا جبکہ پاکستان میی محفوظ اور عالمی معیار کے شوز کی ایک ایسی مثال ثابت ہوگی جس کے ذریعے بین الاقوامی فنکاروں گلوکاروں کو پاکستان میی پرفارم کرنے کے راستے مستقل بنیادوں پر کھول دے گا۔۔۔۔