ملک میں سونا ہزاروں روپے سستا، فی تولہ سونا کتنے کا ہوگیا؟

کراچی: ملک میں فی تولہ سونے کی قیمت  3 ہزار  600 روپے  کم ہوگئی ہے۔

آل پاکستان جیمز اینڈ جیولرز ایسوسی ایشن کے مطابق سونے کا بھاؤ  3600روپے کم ہوکر 4 لاکھ65 ہزار 536 روپے ہوگیا ہے۔

ایسوسی ایشن کا بتانا ہے کہ 10 گرام سونے کا بھاؤ 3086 روپے کم ہوکر 3 لاکھ 99 ہزار122 روپے ہوگیا ہے۔

یاد رہے کہ جمعہ سونے کی فی تولہ قیمت 3900 روپے کے اضافے سے 4 لاکھ 69 ہزار 136 روپے ہوگئی تھی۔

عالمی بازار میں سونے کا بھاؤ 36 ڈالر کم ہوکر 4430 ڈالر فی اونس ہے۔