پاکستان کے ثقافتی اور میوزک کے رنگ اب سعودی عرب میں سجیں گے

عبدالسلام علی سے  

لاہور: سعودی عرب  میں ثقافتی سرگرمیوں کا آغاز 29اکتوبر سے 5 نومبر سے جاری رہیں گی ۔ پہلے مرحلہ میں گلوکار ذیشان روکھڑی، گلوکارہ حمیرا ارشد سعودی عرب جائیں گے۔29 اکتوبر کو دمام ،30 اکتوبر کو ریاض اور 5 نومبر کو جدہ  میں کلچر شوز ہوں گے۔

کرکٹر عبد الرزاق نے کہا کہ ان ایونٹس سےبڑا اچھا میسج سعودی عرب اور دنیا بھر میں جائے گا۔انہوں نے کہا کہ ہمارے سپر اسٹارز سعودی عرب میں کلچر کو فروغ دینے میں اپنا کردار ادا کریں گے۔

گلوکارہ حمیرا ارشد نے کہا کہ روحانی وابستگی سعودیہ سے تو ہماری ہے ۔ اب ہمارے سنگر اور فنکار سعودی عرب میں جا کر لوگوں کو انٹرٹین کریں گے۔

حمیرا ارشد نے کہا کہ سعودی عرب میں عمرے کی سعادت تو حاصل کی ہے۔اب وہاں جا کر پہلی دفعہ پرفارم کروں گی ۔پاکستان کے آرٹسٹ وہاں پرفارمنس دیں گے اور سعودیہ کے لوگ جو پاکستان نہیں آسکتے وہ اب وہاں ہمارے فنکاروں کی پرفارمنس دیکھیں گے،

پریس کانفرنس میں  گلوکارہ حمیرا ارشد، کرکٹر عبد الرزاق، گوشی خان،گلوکارہ حرا،ٹک ٹاکر سیڈ ریپر، افتخار افی نے بھی خطاب کیا۔ آخر میں ایم او یو سائن کیا گیا۔