وزیرا علیٰ پنجاب کے معاون خصوصی عون چوہدری نے استعفیٰ دیدیا

جی این این کے مطابق معاون خصوصی وزیراعلی ٰ پنجاب برائے سیاسی امور عون چوہدری نے استعفیٰ وزیراعلیٰ پنجاب کو پیش کردیا ہے۔ عون چوہدری جہانگیر ترین گروپ کے متحرک رہنما رہے ہیں ۔اس حوالے سے عون چوہدری کاکہنا ہے کہ مجھے وزیراعلیٰ آفس سے  کہا گیا جہانگیر ترین کی حمایت چھوڑ دو یا استعفیٰ دو، جہانگیر ترین کی پارٹی کے لیے خدمات کو ہر کوئی جانتا ہے ۔ پارٹی کے لیے بے لوث خدمات سر انجام دینے والے شخص کو نہیں چھوڑ سکتا۔  عون چودھری  نے مزید کہا ہے کہ مشیر وزیراعلیٰ کے عہدے پر جہانگیر ترین کے ساتھ کھڑے ہونے کو ترجیح دوں گا۔