زرداری اینڈکمپنی بزنس پرتوجہ دیں ،فواد چودھری کا آصف زرداری کومشورہ

اسلام آباد : وفاقی وزیر سائنس و ٹیکنالوجی فوادچودھری کاکہناہے کہ زرداری اینڈکمپنی ماضی کا قصہ بن چکے ہیں،انہیں اپنے بزنس پرتو جہ دینی چاہئیے ۔

تفصیلات کے مطابق وفاقی وزیر سائنس و ٹیکنالوجی فوادچودھری نے سماجی رابطے کی ویب سائٹ  ٹوئٹر پر سابق صدرآصف زرداری کے بیان سے متعلق پیغام میں کہا کہ ہر تین ماہ کے بعد زرداری اینڈ کمپنی کو لگتا ہے اگلے تین ماہ بہت اہم ہیں،پھر وقت گزر جاتا ہے اور نیا بیان آتا ہےکہاگلے تین ماہ بہت اہم ہیں ،تین سال بعد بھی آپ کا کوئی  چانس نہیں۔ وفاقی وزیر نے شریک چئیرمین پیپلز پارٹی  آصف زرداری کو مشورہ دیتے ہوئے کہاکہ  زمانہ اور وقت آگے چلا گیا ہے ،  آپ بہت پیچھے رہ گئے ہیں، گرد اتنی ہے کہ آپ کو راستہ نہیں مل رہا ہے آپ اپنے  بزنس پر توجہ دیں۔

ہر تین ماہ کے بعد زرداری اینڈ کمپنی کو لگتا ہے اگلے تین ماہ بہت اہم ہیں،پھر وقت گزر جاتا ہے اور نیا بیان آتا ہے اگلے تین ماہ بہت اہم ہیں،تین سال بعد بھی آپ کا کوئ چانس نہیں زمانہ اور وقت آگے چلا گیا ہے آپ بہت پیچھے رہ گئے ہیں گرد اتنی ہے کہ آپ کو راستہ نہیں مل رہابزنس پر توجہ دیں

— Ch Fawad Hussain (@fawadchaudhry) January 25, 2021

یاد رہے کہ گزشتہ روزسابق صدر اور پیپلز پارٹی کے شریک چیئرمین آصف علی زرداری نے ایک بیان میں کہا تھا  کہ پاکستان ڈیموکریٹک موومنٹ (پی ڈی ایم) متحد ہے، پی ڈی ایم میں کوئی اختلاف نہیں، حکومت کو آخری دھکے کی ضرورت ہے، اگلے چند مہینے ملکی سیاست کے مستقبل کیلئے بہت اہم ہیں ہم حکومت پر ہر طرف سے وار کرینگے۔سابق صدرزرداری کا بیان ایسے وقت میں سامنے آیا جب کچھ روز قبل پارٹی  چیئرمین بلاول بھٹو زرداری نے حکومت کو گھر بھیجنے کے لیے تحریک عدم اعتماد لانے کا عندیہ دیا تھا۔