پاکستانی کوہ پیماؤں کی کے- ٹو سرکرنے کی مہم،خراب موسم آڑے آگیا

معروف پاکستانی کوہ پیما محمد علی سدپارہ ، ان کے بیٹے ساجد سدپارہ اور آئس لینڈ کے جان سنوری پر مشتمل تین رکنی ٹیم موسم سرمامیں دنیا کی دوسری بڑی اونچی چوٹی کے ٹو کو  بغیر آکسیجن سر کرنے کی مہم پر ہیں ، علی سدپارہ نے آکسیجن کے بغیر کے 2  کی چوٹی پر پیر کی صبح تک  پاکستان کا جھنڈا لہرانے کا اعلان کیا تھا  تاہم  خراب موسم کی شدت کے باعث مہم  روک دی گئی ہے ۔ علی سدپارہ کی ٹیم نے رات کیمپ تھری پر گزاری جہاں انہیں طوفانی ہواؤں کا سامنا کرنا پڑا ۔علی سدپارہ نے اپنے ٹوئٹر اکاؤنٹ پر جاری تازہپیغام میں بتایا کہ شدید موسم  کی خرابی کے باعث سب ٹیم ممبرز نیچے آرہے ہیں ۔ ہم سب لوگ محفوظ ہیں  اور بیس  کیمپ پہنچتے ہی مزید آگاہ کریں گے ۔

Official update:

Due to weather conditions the team is coming down. Everyone is safe and sound. More information as soon as they arrive at Base Camp.

Management #k2winterexpedition2021 #K2WinterExpedition

— Muhammad Ali Sadpara (@MAliSadpara) January 25, 2021

اس سے قبل ایک ٹویٹ میں علی سدپارہ نے بتایا تھا کہ ٹیم ممبر کی حالت تشویشناک ہونے پہ ریسکیو کرنے ہیلی کاپٹر پہنچ چکا  ہے اور خراب موسم کے باعث وہ پیش قدمی نہیں کرسکتے ۔

ٹیم ممبر کی حالت تشویشناک ہونے پہ ریسکیو کرنے ہیلی کاپٹر پہنچ چکا
موسم ابھی تک آگے بڑھنے نہیں دے رہا#K2winter2021 pic.twitter.com/Djvf3OYjlu

— Muhammad Ali Sadpara (@MAliSadpara) January 25, 2021

علی سدپارہ نے اپنے بیٹے کے ساتھ  ایک تصویر بھی شیئر کرتے ہوئے کہا تھا کہ وہ بیس کیمپ سے سی 3 پوائنٹ پر پہنچے ہیں۔انشاءاللہ صبح 9 بجے ہم اپنی منزل سر کرنے کے بعد پاکستان پرچم کو لہرائیں گے ،  ہمیں اپنی دُعاؤں میں یاد رکھیں۔

الحمداللہ ! میں اپنے بیٹے کے ہمراہ C3 پر پہنچ گیا , کچھ دیر آرام کے بعد اپنا سفر رات 9 بجے شروع کریں گے اور انشاءاللہ صبح 9 بجے ہم اپنی منزل سر کرنے کے بعد پاکستان پرچم کو لہرائیں گے - ہمیں اپنی دُعاؤں میں یاد رکھیں

?? Zindabad pic.twitter.com/c6pzyob1Xg

— Muhammad Ali Sadpara (@MAliSadpara) January 24, 2021

واضح رہے کہ کہ گزشتہ ہفتے10 نیپالی کوہ پیما ؤں کی ٹیم نے  پہلی مرتبہ موسم سرما میں دنیا کی دوسری بلند ترین  چوٹی سر کر کے تاریخ رقم کی تھی ۔