این سی او سی کی محرم الحرام پر خصوصی ہدایات جاری

تفصیلات کے مطابق این سی او سی کا کہنا ہے کہ یہ ہدایات متعلقہ علماء کی سفارشات کو مدِ نظر رکھ کر جاری کی گئیں ، تمام مجالس اور جلوس کورونا ایس او پیز کے تحت منعقد کیے جائیں گے۔

این سی او سی کا کہنا ہے کہ مجالس اور جلوسوں کے دوران ماسک کا استعمال، سماجی فاصلہ، تھرمل سکریننگ  یقینی بنائی جائے گی ، گھروں میں نجی مجالس سے اجتناب کیا جائیگا ، مجالس ہوادار اور کُھلے کمروں میں منعقد کی جا ئینگی۔ 

اس کے علاوہ ایس او پیز پر عملدرآمد کے لیے انتظامیہ رضاکاروں کی خدمات بھی حاصل کر سکے گی ، مجالس اور جلوسوں کے مقامات پر ہینڈ سیناٹئزرز اور ماسک مہیا کیے جائیں گے۔