آرمی چیف اور امریکی وزیر دفاع لائیڈ جے آسٹن کے درمیان ٹیلیفونک رابطہ

تفصیلات کے مطابق  آرمی چیف جنرل قمرجاوید باجوہ اورامریکی وزیردفاع لائیڈ جے آسٹن کے درمیان ‏ٹیلیفونک رابطہ ہوا ہے، ترجمان امریکی محکمہ دفاع کا کہنا ہے کہ  ‏سیکریٹری دفاع لائیڈ جے آسٹن نے جنرل قمرجاوید باجوہ سے ٹیلی فون پرگفتگو کی،دونوں نے خطے میں سلامتی اوراستحکام کیلئے باہمی اورمشترکہ اہداف پرتبادلہ خیال ‏کیا۔

‏ترجمان امریکی محکمہ دفاع نے کہا کہ  سیکریٹری آسٹن نے امریکہ پاکستان تعلقات بہتربنانےاورخطے میں مشترکہ مفادات ‏کیلئے تعاون جاری رکھنے میں دلچسپی کا اظہارکیا ہے،افغانستان کی صورتحال، علاقائی سلامتی، استحکام اوردوطرفہ دفاعی تعلقات کو مزید ‏مضبوط بنانے پربھی بات چیت کی گئی۔