قومی ٹیسٹ اسکواڈ کو جمیکا میں ٹریننگ کی اجازت مل گئی

تفصیلات کے مطابق ٹیسٹ اسکواڈ میں شامل تمام ارکان کی گزشتہ روز کی گئی کوویڈ 19 ٹیسٹنگ کے نتائج منفی آئے ہیں ،  قومی ٹیسٹ اسکواڈ آج مقامی وقت کے مطابق صبح 9 بجے ٹریننگ سیشن کا آغاز کرے گا۔قومی ٹیسٹ اسکواڈ کا ٹریننگ سیشن تین گھنٹے تک جاری رہے گا، اس دوران کھلاڑی فزیکل اور فیلڈنگ سیشنز میں شرکت کریں گے۔

خیال رہے کہ پاکستان اور ویسٹ انڈیز کے مابین سیریز کا پہلا ٹیسٹ میچ 12 اگست سے جمیکا میں شروع ہوگا۔

گزشتہ روز  ویسٹ انڈیز نے پاکستان کیخلاف ٹیسٹ سیریز کیلیے 17 رکنی اسکواڈ کا اعلان کردیا  تھا، ویسٹ انڈیز اسکواڈ کی قیادت کریگ بریتھ ویٹ کریں گے ، جرمائن بلیک ووڈ نائب کپتان،نکروما بونر، شرما بروکس، راحکیم کورنوال اسکواڈ میں شامل ہیں ۔روسٹن چز، جوشوا ڈی سلوا، جامر ہمیلٹن، چیمر ہولڈر، جیسن ہولڈر اسکواڈ کا حصہ ہیں ۔شائے ہوپ، آلزاری جوزف، کیل میرز، کیرن پاول، جیڈن سیزلز اور جومل واریکن  بھی اسکواڈ میں شامل ہیں۔